“Ал-Дуҳаил” клубининг бразилиялик ярим ҳимоячиси Филиппе Коутиньо Юрген Клопп ва Ханс-Дитер Фликларнинг “Барселона”га тайинланиши мумкинлиги ҳақидаги фикрлари билан ўртоқлашди.
Эслатиб ўтамиз, аввалроқ "Барселона" бош мураббийи Хави Эрнандес жорий мавсум охирида ўз лавозимини тарк этишини айтган эди. “Ливерпуль” бош мураббийи Юрген Клопп ҳам худди шундай баёнот берди ва Ханс-Дитер Флик ҳозирда эркин агент ҳисобланади.
“Албатта Клопп ва Флик ажойиб мураббийлар. Уларнинг қўл остида жамоалар доим яхши ўйнаган. Бу икки мутахассис нафақат "Барселона"да, балки дунёнинг исталган клубида ишлаш учун мос", - дея Коутиньонинг сўзларидан иқтибос келтиради Diario Sport.
