Мадриднинг "Реал" клуби бош мураббийи Карло Анчелотти "Севилья" билан чемпионат ўйинида (1:0) Арда Гюлерни захирадан майдонга туширишга тайёрланаётган эди, бироқ Модричнинг голи воқеаларни ўзгартириб юборди ва туркиялик иқтидор яна захирага қайтди.
The Athletic журналисти Мариа Кортехананинг қайд этишича, Анчелотти ушбу вазият бўйича Гюлердан узр сўраган. Туркиялик футболчи вазиятни тушунганини айтган.
Эслатиб ўтамиз, Арда ўтган ёзда 20 миллион эвазига "Фенербахче"дан сотиб олинганди. У жорий мавсумда 5 та ўйинда 92 дақиқани майдонда ўтказди.
