"Барселона" ярим ҳимоячиси Гави оғир жароҳатдан сўнг тикланиш жараёнини давом эттирмоқда.

Ўтган йилнинг кузида 19 ёшли футболчи Испания терма жамоасида ўйнаб юрган чоғида хочсимон боғлами йиртилгани сабабли ўйинни эрта тарк этганди. Журналист Адри Фернандеснинг ёзишича, Гавини қайта тиклашнинг биринчи босқичи аллақачон якунланган ва ёш ярим ҳимоячининг ҳолати ниҳоятда ижобий баҳоланмоқда. Энди ўйинчи реабилитациянинг иккинчи, янада мураккаб босқичини бошлаши керак, унинг давомида жиддий юкламалар бўлади.

Гавининг майдонга қайтиши шу йилнинг ёз-кузига мўлжалланган. Жорий мавсумда вундеркинд "Барселона" сафида барча турнирларда 15 та ўйин ўтказишга муваффақ бўлди.