"Barselona" yarim himoyachisi Gavi og‘ir jarohatdan so‘ng tiklanish jarayonini davom ettirmoqda.
O‘tgan yilning kuzida 19 yoshli futbolchi Ispaniya terma jamoasida o‘ynab yurgan chog‘ida xochsimon bog‘lami yirtilgani sababli o‘yinni erta tark etgandi. Jurnalist Adri Fernandesning yozishicha, Gavini qayta tiklashning birinchi bosqichi allaqachon yakunlangan va yosh yarim himoyachining holati nihoyatda ijobiy baholanmoqda. Endi o‘yinchi reabilitasiyaning ikkinchi, yanada murakkab bosqichini boshlashi kerak, uning davomida jiddiy yuklamalar bo‘ladi.
Gavining maydonga qaytishi shu yilning yoz-kuziga mo‘ljallangan. Joriy mavsumda vunderkind "Barselona" safida barcha turnirlarda 15 ta o‘yin o‘tkazishga muvaffaq bo‘ldi.
