Ҳозирда Канаданинг «Торонто» жамоасида фаолият олиб бораётган Германия футболининг ёрқин юлдузларидан бири Торстен Фрингс футболчилик фаолиятини якунлаганини маълум қилди.
«Мавсумолди тайёргарлик жараёнида менинг тикланишим учун кутилганидан кўра кўпроқ вақт талаб этилиши маълум бўлади. Мен ҳар доим жамоам учун яхши бўлишини хоҳлайман, шунинг учун фаолиятимни якунлашга қарор қилдим.
«Торонто»даги фаолиятимдан ва бу ерда яшаганимдан жуда мамнунман. Жамоага фақат яхшиликларни тилайман ва ишонаманки, мен жамоага олиб келган ғолиблик руҳи билан ғалабалар қозонишда давом этишади»,- деб футболчининг сўзалридан иқтибос келтиради клуб расмий сайти.













