“Рома” раҳбарияти аргентиналик ҳужумчи Пауло Дибалани келажаги борасида бир қарорга келди. Бу ҳақда инсайдер Николо Скира ижтимоий тармоқлар орқали хабар берди.

Журналистнинг сўзларига кўра, ҳужумчининг амалдаги шартномасида исталган хориж клуби уни 12 миллион еврога сотиб олиши мумкин бўлган банд бор. Римликлар футболчи билан шартномани узайтирмоқчи, шу билан бирга бу бандни олиб ташламоқчи. Томонлар ўртасидаги амалдаги келишув 2025 йилда якунига етади.

Италия чемпионатининг жорий мавсумида 30 ёшли аргентиналик футболчи 18 та ўйин ўтказиб, 11 та гол ва 6 та голли узатмани амалга оширди.