“Roma” rahbariyati argentinalik hujumchi Paulo Dibalani kelajagi borasida bir qarorga keldi. Bu haqda insayder Nikolo Skira ijtimoiy tarmoqlar orqali xabar berdi.
Jurnalistning so‘zlariga ko‘ra, hujumchining amaldagi shartnomasida istalgan xorij klubi uni 12 million yevroga sotib olishi mumkin bo‘lgan band bor. Rimliklar futbolchi bilan shartnomani uzaytirmoqchi, shu bilan birga bu bandni olib tashlamoqchi. Tomonlar o‘rtasidagi amaldagi kelishuv 2025 yilda yakuniga yetadi.
Italiya chempionatining joriy mavsumida 30 yoshli argentinalik futbolchi 18 ta o‘yin o‘tkazib, 11 ta gol va 6 ta golli uzatmani amalga oshirdi.
