Ҳуқуқлари Лиссабоннинг "Бенфика" клубига тегишли бўлган 20 ёшли ҳимоячи Антониу Силва яна бир Европа гигантининг қизиқиш доирасига тушиб қолди.
AS хабарига кўра, футболчини "Бавария" ўз сафига қўшиб олмоқчи. Немис клуби футболчи учун “Манчестер Юнайтед” билан курашмоқчи. Силва ёзги трансфер ойнасида клублардан бирига ўтиши мумкин. Потенциал транзакция қиймати 100 миллион еврога баҳоланмоқда.
Португалия чемпионатининг жорий мавсумида Силва 21 та ўйин ўтказиб, 2 та гол урди. Антониунинг "Бенфика" билан амалдаги шартномаси 2027 йилнинг ёзида якунига етади.
