Huquqlari Lissabonning "Benfika" klubiga tegishli bo‘lgan 20 yoshli himoyachi Antoniu Silva yana bir Yevropa gigantining qiziqish doirasiga tushib qoldi.

AS xabariga ko‘ra, futbolchini "Bavariya" o‘z safiga qo‘shib olmoqchi. Nemis klubi futbolchi uchun “Manchester Yunayted” bilan kurashmoqchi. Silva yozgi transfer oynasida klublardan biriga o‘tishi mumkin. Potensial tranzaksiya qiymati 100 million yevroga baholanmoqda.

Portugaliya chempionatining joriy mavsumida Silva 21 ta o‘yin o‘tkazib, 2 ta gol urdi. Antoniuning "Benfika" bilan amaldagi shartnomasi 2027 yilning yozida yakuniga yetadi.