"Манчестер Юнайтед"нинг собиқ ҳужумчиси Уэйн Руни АПЛда мураббийлик қилишни истаётганини айтди.
38 ёшли Руни жорий мавсум бошида "Бирмингем"да муваффақиятсизликка учради ва уч ярим йиллик шартномасининг атиги 83 кунини якунлади.
Руни Чемпионшип клубини бошқарган 15 ўйиннинг фақат иккитасида ғалаба қозонган, аммо Уэйн мураббийликка қизиқишни йўқотмаган.
Мен, албатта, мураббийликка қайтишни хоҳлайман. "Бирмингем"да содир бўлган воқеа муваффақиятсизлик бўлди, аммо мен жангчиман ва қайтишни хоҳлайман.
Биласизми, ишдан бўшатиш ва муваффақиятсизликлар - мураббийлик касбининг бир қисми. Бунга қандай муносабатда бўлишингиз муҳим. Мен бу ҳақда ўйлашга ва кейинги сафар нима қилишим кераклигини аниқлашга вақт топдим. Мен ҳеч қачон футболчи сотиб олмаганман. Кейинги сафар буни қилиш қандай завқли бўларди!
"Бирмингем"га келишим вақти тўғри келмаган бўлиши мумкин ва мухлислар мени биринчи кунданоқ қабул қилишмади. Асосий мақсадим - Премьер-лигада мураббийлик қилиш. "Манчестер Юнайтед" ёки "Эвертон" мен учун орзуларимдаги клублар, аммо мен умид қиламанки, кейинги 10 йил ичида мен бу иш жойларидан бирини эгаллаш имкониятига эга бўламан" - деди Руни BBC билан суҳбатда.
