"Ливерпуль" раҳбарияти "Байер" бош мураббийи Хаби Алонсога таклиф билан чиқди. Бу ҳақда Teamtalk нашри хабар бермоқда.

Манбанинг ёзишича, инглиз топ-клуби испаниялик мутахассисга 3 йиллик шартнома таклиф қилган. Алонсо - Юрген Клопп ўрнига асосий даъвогар. Германиялик мураббий жорий мавсум якунида "мерсисайдликлар" сафини тарк этади.

Хаби 2022 йилнинг октябрида Леверкузен бош мураббийи лавозимини эгаллаган. Томонлар ўртасидаги амалдаги шартнома 2026 йилнинг июнь ойи охирида тугайди. Унинг раҳбарлигида "доришунослар" Бундеслигада ишончли тарзда пешқадамлик қилмоқда ва иккинчи ўриндаги "Бавария"дан 8 очко олдинда.