«Барселона» клуби ҳужумчиси Лео Месси жамоанинг бугунги машғулотларда умуман иштирок этмаган. Бу ҳақда клуб расмий сайти маълумотларига таяниб «Daryo.Uz» интернет нашри хабар тарқатди.
Хабарда айтилишича, Мессининг иссиғи кўтарилиб кетиши натижасида клуб мураббийлари унга дам беришга қарор қилишган.
«Месси бугун тонгдаги машғулотларни ўтказиб юборди. Аргентиналик футболчининг иссиғи кўтарилган ва ўзини ёмон ҳис қилмоқда» дейилади «Барcелона» расмий сайтидаги хабарда.
Клуб докторлари унинг уйига ташриф буюриб, ҳолатини ўрганишган ва керакли муолажалардан сўнг, дам олиши лозимлигини маслаҳат беришган. Жамоа аъзоларига пайшанба куни дам берилади ва умид қиламизки, Месси «Эл-класико»дан аввалги жума куни бўладиган машғулотларда ҳамда «Реал»га қарши баҳсда иштирок этади» деб ёзилган хабарда.













