Стефано Пиоли "Милан"нинг А Сериядаги ўрнини баҳолади.
"Милан"нинг Скудетто учун курашиш имкониятлари ҳақида:
"Масала ёпиқ, ҳеч бўлмаганда менга шундай туюлади."
"Интер"нинг чемпионатдаги устунлиги ҳақида:
"Бугунги "Интер" ўтган йилги "Наполи" даражасида. Улар А Серияда атиги битта ўйинда мағлуб бўлишди, бу эса ўйинлардан унумли фойдаланаётганини англатади", - дея таъкидлади миланликлар бош мураббийи матбуот анжуманида.
"Милан" ҳозирда "Интер"дан 16 очко ортда қолган ҳолда А Серияда 53 очко билан учинчи ўринда бормоқда.
Эртага "россонерилар" Италия чемпионатининг 27-тури доирасида "Лацио" билан учрашади.
