Аббосбек Файзуллаев ЦСКАнинг Россия чемпионатидаги ўрни ҳақида ўз фикрлари билан ўртоқлашди.
"Бизга барқарорлик ва консентрация етишмаяпти – якунда кўп гол ўтказиб юбордик. Саккизинчи ўрин бизнинг даражамиз эмас, биринчи давра тугашига икки тур қолганда биз юқорида эдик.
Бизда яхши таркиб бор – бу бизга чемпионлик учун курашиш имконини беради. Чалов, Обляков, Давила, Роча бор - барча футболчилар жуда зўр. Акинфеев - афсона. Шундай бўладики, машғулотларда унга қарши гол уришнинг иложи йўқ”, - деди ҳамюртимиз.
18 турдан кейин 28 очко жамғарган ЦСКА биринчи ўриндаги “Краснодар”дан 10 очко ортда қолмоқда.
