Квинси Промес "Спартак" билан Дубайдан Санкт-Петербургга уча олмади.
Metaratings нашри маълумотларига кўра, Промесни Дубайнинг Ал-Мактум аэропортида самолётга чиқаришга рухсат берилмаган – сабаби ҳозирча номаълум. Квинси билан бирга "Спартак"нинг яна икки вакили БААда қолди. Маълум қилинишича, кечикиш Нидерландиядаги суд ҳукми билан боғлиқ эмас.
Спорт-Экспресснинг қўшимча қилишича, Промес "Зенит" билан ўйинга жамоадан алоҳида боради - унинг Дубайдан парвози бугун кечроқ кутилмоқда.
Илгари Амстердам суди Промесни гиёҳванд моддалар контрабандаси иши бўйича сиртдан 6 йил қамоқ жазосига ҳукм қилган, кейинчалик унинг адвокатлари ҳукм устидан шикоят қилган. Футболчи халқаро қидирувга берилган.
