Жуд Беллингем "Валенсия"га қарши ўйнай олади.

Эслатиб ўтамиз, Беллингем 10 февраль куни "Жирона"га қарши Ла Лиганинг 24-тур учрашувида тўпиғидан жароҳат олган эди.

AS хабарига кўра, Беллингем жароҳатидан деярли бутунлай фориғ бўлган ва ҳозир ноқулайлик сезмаяпти. У эртага умумий гуруҳ билан машғулот ўтказиши ва шанба куни "Месталья"да бўладиган ўйин учун қайдномага киритилиши кутилмоқда.

Қайд этилишича, “Реал” мураббийлар штабининг устувор вазифаси Беллингемнинг келаси чоршанба куни Чемпионлар лигаси доирасида “РБ Лейпциг”га қарши ўйинга тайёр бўлишидир. Катта эҳтимол билан Жуд "Валенсия"га қарши ўйинни захира ўриндиғида бошлайди ва ярим соатдан кўп бўлмаган ўйин вақтини олади.

Беллингем Ла Лиганинг жорий мавсумдаги энг яхши тўпурари бўлиб, 21 ўйинда 16 та гол урган.