Мадриднинг "Атлетико" клуби бош мураббийи Диего Симеоне жамоасининг "Атлетик" жамоасига қарши Испания кубоги жавоб ўйинидаги йирик мағлубияти (0:3) ҳақида фикр билдирди. Эслатиб ўтамиз, биринчи ўйин ҳам “Атлетик”нинг 1:0 ҳисобидаги ғалабаси билан якунланган эди.

"Биринчи ўйиндаги 0:1 ҳисобидаги мағлубиятимиз рақиб савиясидан дарак беради. Жавоб ўйинида 0:3 ҳисобида мағлубиятга учрагани улар қилган меҳнатидан дарак беради. Учрашув бошида бизда учта вазият бўлди, уни яхшироқ бошқаришимиз керак эди. Бизда гол уриш ва бу ўйинга кириш имкони бор эди, аммо буни уддалай олмадик. Ҳужумда кучимиз йўқ, ҳимояда кучсиз эдик. Рақибни ғалаба билан табриклаш арзийди", - деди Симеоне AS билан суҳбатда.