Машҳур собиқ футболчи Дмитрий Буликин "Ювентус" ярим ҳимоячиси Поль Погбанинг дисквалификациясига муносабат билдирди.
Август ойида французнинг допинг тести ижобий чиққан ва энди тўрт йилга дисквалификация қилинди.
Буликиннинг сўзларига кўра, у допинг истеъмол қилгани аниқланганидан афсусда. “Локомотив”нинг собиқ футболчиси бундай вазиятларда нафақат футболчилар, балки улар билан ишлайдиган шифокорлар ҳам айбдор эканини таъкидлади.
"Поль Погба жаҳон чемпиони, аммо шифокорлар ҳеч қандай ёрдам беришмади. Тўрт йил жуда оғир муддат: бутун мартаба ва инсоний тақдиринг барбод бўлди", - дея Буликиннинг сўзларини келтиради "Чемпионат".
