Кеча Намхэда янги мавсум тадоригини кўраётган “Сеонгнам Илва Чунма” клуби Кей-лигада қатнашувчи “Анянг” ФК клуби билан ўртоқлик ўйини ўтказди. Ушбу ўйин 3 март куни бошланадиган Кей-лига доирасидаги “Сувон” билан ўйиндан олдин тайёргарлик вазифасини бажарди.

Эътиборлиси, ҳамюртимиз Сервер Жепаров бу ўйинда ҳам ҳужумчи сифатида ҳаракат қилди ва жамоасининг 1:0 ҳисобидаги ғалабасига муносиб ҳисса қўшди. Сеонгнамликлар бош мураббийи ҳозирча 4-4-2 схемасида ўйнашни маъқул кўрмоқда ва ҳамюртимизга ишонч билдиришда давом этмоқда. 

1-турдаёқ кучли рақибга дуч келган Ан Ик Су 1-2 март кунлари асосий таркиб футболчиларини аниқлаштириб олиши кутилмоқда. Кей-лиганинг янги мавсуми очилиши олдидан чиқаётган кўпчилик мақолаларда Сервер Жепаров ва КХДР терма жамоаси хужумчиси Чонг Тэ Сэларнинг Кей-лигага келишлари қишки трансфер бозорининг энг эътиборли харидлари сифатида бахоланмоқда. Ҳаттоки, Сервер Жепаровга “Мулойим жаллод” дея ном берганликларининг ўзиёқ ҳамюртимиздан янги мавсумда умидлар катта эканлигини англатади. Кузатишда давом этамиз кей-лига стартига оз қолди.

Отабек Йўлдошев, Жанубий Корея, Сеул.