"Манчестер Сити" бош мураббийи Пеп Гвардиола "Манчестер Юнайтед"га қарши ўйиндаги умидлари билан ўртоқлашди.
“Ўз тажрибамдан келиб чиқиб, мен бу ўйинлар олдидан хотиржамроқ бўлишни ўргандим.
Кўп гапиришнинг ҳожати йўқ – фақат ғалаба қозониш учун тактика ва майдонда қилиш керак бўлган ишларга эътибор қаратиш керак. Ҳиссиётларга эркинлик бермаймиз.
“Манчестер Юнайтед” яқинда “Вулверхэмптон”, “Лутон” ва “Астон Вилла”ни меҳмонда мағлуб этди. "Астон Вилла" майдонида ғалаба қозониш учун ажойиб сифатга эга бўлиш керак.
"Манчестер Юнайтед"да ҳамиша шундай бўлган: улар яхши ўйнаса, ғалаба қозонишади. Бу мавсумда улар кўрсатаётган изчиллик яққол кўриниб турибди.
Лекин биз уч очко олишга ҳаракат қиламиз", - дея Гвардиоланинг сўзларини келтирмоқда BBC.
