Каталониянинг "Барселона" клуби бош мураббийи Хави Эрнандес Испания чемпионатида Бильбаонинг "Атлетик" клубига қарши ўйиндан олдинги фикрлари билан ўртоқлашди. Ўйин эртага "Сан-Мамес"да бўлиб ўтади.

"Яқинда Бильбаонинг "Атлетик" клуби бизни Испания кубогидан чиқариб юборди. Бу рақиб биз учун чемпионатдаги энг қийинларидан бири. Улар ишончли. Агар биз "Атлетик"ни мағлуб этсак, олдинга катта қадам ташлаган бўламиз", — деди Хави матбуот анжуманида.

Яқинда "Атлетик" Испания кубоги ярим финалида "Атлетико"ни мағлуб этиб, "Мальорка"га қарши ўйнайдиган ҳал қилувчи ўйинга йўлланмани қўлга киритди.