"Реал Мадрид" жорий Испания чемпионатида 18 та гол ўтказиб юборди. Қизиғи шундаки, уларнинг ярмига (9 та) "Лос-Бланкос" академияси битирувчиси бўлган футболчилар муаллифлик қилишган. Мистер Чип номи билан машҳур бўлган журналист Алексис Мартин-Тамайо ижтимоий тармоқларда ушбу қизиқарли фактга эътибор қаратди.
Ла Лиганинг ушбу мавсумида "Реал" дарвозасига қуйидаги футболчилар гол уришди: Аррибас, Майораль, Мората (2 та), Уго Дуро (2 та), Хави Муньос, Льоренте ва де Томас.
Эслатиб ўтамиз, шанба куни "Реал" сафарда "Валенсия" билан дуранг ўйнади - 2:2. Мадридликлар сафида Винисиус Жуниор иккита гол урди. Карло Анчелотти жамоаси Ла Лига турнир жадвалида пешқадамлик қилмоқда.
