"Барселона"нинг икки футболчиси "Атлетик"га қарши ўйинда жароҳат олди.
Френки де Йрнг Ла Лиганинг 27-турининг 23-дақиқасида ярим ҳимоячи Унаи Гомес билан тўп учун курашганидан сўнг ёмон йиқилди ва тўпиғини жароҳатлади. Нидерландиялик футболчи ўзи майдонни тарк эта олмади - уни машинада олиб кетишди. Фермин Лопес захирадан майдонга тушди.
43-дақиқада Педрининг соғлиғида муаммолар пайдо бўлди. Тўпни узатганидан кейин у ўнг оёғида оғриқ сезди, майдонга ётди ва йиғлаб юборди. 21 ёшли ярим ҳимоячи ўрнига Ламин Ямал майдонга тушди.
Учрашувда 0:0 ҳисоби қайд этилди.
8 март куни “Барселона” Испания чемпионатида “Мальорка” билан ўйнайди, 12-куни эса Чемпионлар лигаси доирасида “Наполи” билан учрашув ўтказади.
