Кеча бўлиб ўтган машғулотларда "Насаф"нинг айрим ўйинчилари якка тартибда машғулотлар олиб боришди, булар — Шерзод Аъзамов, Лазиз Убайдуллаев ва Шоҳруҳ Гадоев.

Шерзод Аъзамов Германияда жарроҳлик амалиёти ўтказганидан хабарингиз бор. У ҳозир тикланиш жараёнини ўтказаяпти. Биз "Насаф"да яқинда иш бошлаган тажрибали шифокор Рустам ака Меҳмоновдан Шерзод қачонлар майдонга тушиши ҳақида сўрадик, у кишининг айтиши бўйича Шерзод Аъзамов деярли майдонга тушишга тайёр, лекин шундай бўлсада, барибир тиббий талабларга кўра маълум вақт бунга йўл қўйиб бўлмаслиги ва унга март ойининг иккинчи ярмидан сўнгги учрашувларда майдонга тушишига рухсат берилишини айтдилар.

Шунингдек, Лазиз Убайдуллаев ва Шоҳруҳ Гадоевда ҳам енгил жароҳат бор экан. Улар ҳозир фақат енгил машғулотлар билан машғул бўлишмоқда. Чемпионат 1-туридаги "Олмалиқ" билан бўладиган учрашувда, Рўзиқул Бердиев ушбу ўйинчиларнинг хизматидан фойдаланай олмаслиги мумкин, бу бизнинг тахминимиз холос.