"Бавария" бош мураббийи Томас Тухель жамоасининг ҳимоядаги муаммолари ҳақида гапирди. Барча турнирлардаги сўнгги бешта ўйинда мюнхенликлар ўз дарвозаларидан 9 та гол ўтказиб юборган ва фақат битта ғалабага эришган.
“Мавсумдаги муаммо шундаки, бизда бир хил ҳимоя “тўртлиги” билан ўйнаш имконияти бўлмади. Биз ҳар доим жамоа сифатида яхши ҳаракат қилганмиз, аммо охирги пайтларда биз жуда кўп гол ўтказиб юбордик. Биз Чиро Иммобилени биламиз, биз уни биринчи ўйинда узоқ вақт яхши назорат қилдик, бироқ индивидуал хатолар туфайли ритмимизни йўқотдик”, деди Тухель матбуот анжуманида.
