"Bavariya" bosh murabbiyi Tomas Tuxel jamoasining himoyadagi muammolari haqida gapirdi. Barcha turnirlardagi so‘nggi beshta o‘yinda myunxenliklar o‘z darvozalaridan 9 ta gol o‘tkazib yuborgan va faqat bitta g‘alabaga erishgan.
“Mavsumdagi muammo shundaki, bizda bir xil himoya “to‘rtligi” bilan o‘ynash imkoniyati bo‘lmadi. Biz har doim jamoa sifatida yaxshi harakat qilganmiz, ammo oxirgi paytlarda biz juda ko‘p gol o‘tkazib yubordik. Biz Chiro Immobileni bilamiz, biz uni birinchi o‘yinda uzoq vaqt yaxshi nazorat qildik, biroq individual xatolar tufayli ritmimizni yo‘qotdik”, dedi Tuxel matbuot anjumanida.
