Футбол бўйича Ўзбекистон Суперлигасининг 1-турида “Пахтакор” 4 март, душанба куни “Сурхон”га қарши баҳс олиб борди.

Учрашувнинг 3-дақиқасидаёқ ҳисоб очилди. “Шерлар” футболчиси Драган Черан жамоасини ҳисобда олдинга олиб чиқди. Биринчи бўлим 1:0 ҳисоби билан якунланди.

Иккинчи бўлим бошида эса “Пахтакор” яна бир бор дарвозани ишғол этди. Бу сафар гол муаллифи Достонбек Ҳамдамов бўлди. 70-дақиқада эса Черан дублни расмийлаштирди.

Қолган дақиқаларда дарвозалар ишғол этилмади ва “Пахтакор” мавсумни йирик ғалаба билан бошлади.

Суперлига

1-тур

4-март, душанба

“Сурхон” – “Пахтакор” 0:3
Голлар: 0:1 — 3 Черан, 0:2 — 51 Ҳамдамов, 0:3 — 70 Черан.

“Сурхон”: 1. Артём Потапов, 2. Бобур Асқаров, 3. Суннатуллоҳ Ҳамиджонов, 5. Азиз Пирмуҳаммадов (8. Ҳумоюн Шербўтаев, 72), 7. Достон Турсунов, 9. Улуғбек Ҳошимов, 10. Дмитрий Плетнёв, 15. Диёр Рамазонов (99. Комрон Сайдазимов, 72), 17. Жаҳонгир Абдусаломов (27. Асилбек Жумаев, 72), 18. Силванус Нимели (19. Муҳаммад Али Абдураҳмонов, 58), 55. Шоҳжаҳон Султонмуродов.

“Пахтакор”: 35. Павел Павлюченко, 2. Беҳруз Асқаров (24. Кирилл Тодоров, 58), 8. Диёр Холматов (18. Саидумархон Саиднуруллаев, 79), 10. Драган Черан, 11. Пўлатхўжа Холдорхонов (33. Дониёр Абдуманнопов, 72), 15. Диёр Ортиқбоев, 17. Достон Ҳамдамов (31. Муҳаммадали Усмонов, 79), 22. Умар Адҳамзода, 27. Сардор Собирхўжаев, 55. Муҳаммадрасул Абдумажидов, 77. Дилшод Саитов.

Огоҳлантиришлар: Улуғбек Ҳошимов (46), Суннатуллоҳ Ҳамиджонов (55).