Futbol bo‘yicha O‘zbekiston Superligasining 1-turida “Paxtakor” 4 mart, dushanba kuni “Surxon”ga qarshi bahs olib bordi.
Uchrashuvning 3-daqiqasidayoq hisob ochildi. “Sherlar” futbolchisi Dragan Cheran jamoasini hisobda oldinga olib chiqdi. Birinchi bo‘lim 1:0 hisobi bilan yakunlandi.
Ikkinchi bo‘lim boshida esa “Paxtakor” yana bir bor darvozani ishg‘ol etdi. Bu safar gol muallifi Dostonbek Hamdamov bo‘ldi. 70-daqiqada esa Cheran dublni rasmiylashtirdi.
Qolgan daqiqalarda darvozalar ishg‘ol etilmadi va “Paxtakor” mavsumni yirik g‘alaba bilan boshladi.
Superliga
1-tur
4-mart, dushanba
“Surxon” – “Paxtakor” 0:3
Gollar: 0:1 — 3 Cheran, 0:2 — 51 Hamdamov, 0:3 — 70 Cheran.
“Surxon”: 1. Artyom Potapov, 2. Bobur Asqarov, 3. Sunnatulloh Hamidjonov, 5. Aziz Pirmuhammadov (8. Humoyun Sherbo‘tayev, 72), 7. Doston Tursunov, 9. Ulug‘bek Hoshimov, 10. Dmitriy Pletnyov, 15. Diyor Ramazonov (99. Komron Saydazimov, 72), 17. Jahongir Abdusalomov (27. Asilbek Jumayev, 72), 18. Silvanus Nimeli (19. Muhammad Ali Abdurahmonov, 58), 55. Shohjahon Sultonmurodov.
“Paxtakor”: 35. Pavel Pavlyuchenko, 2. Behruz Asqarov (24. Kirill Todorov, 58), 8. Diyor Xolmatov (18. Saidumarxon Saidnurullayev, 79), 10. Dragan Cheran, 11. Po‘latxo‘ja Xoldorxonov (33. Doniyor Abdumannopov, 72), 15. Diyor Ortiqboyev, 17. Doston Hamdamov (31. Muhammadali Usmonov, 79), 22. Umar Adhamzoda, 27. Sardor Sobirxo‘jayev, 55. Muhammadrasul Abdumajidov, 77. Dilshod Saitov.
Ogohlantirishlar: Ulug‘bek Hoshimov (46), Sunnatulloh Hamidjonov (55).
