«Манчестер Юнайтед» устози сэр Алекс Фергюсон жамоа аъзолари Робин ван Перси ва Фил Жонсларнинг чемпионлар лигаси 1/8 финалининг «Реал»га қарши жавоб учрашувида майдонга тушиши мумкинлигини айтиб ўтди.

«Фил Жонс бугун югуриш машқларини бошлади. Унинг сешанба кунги баҳсгача тикланиши қийин бўлади, лекин Филнинг жисмоний ҳолатига қараб унга имконият берамиз. «Норвич» билан эса у аниқ ўйнайди.

Бошқа жароҳатлар билан муаммо йўқ. Ван Перси ҳафта бошидан машғулотларда қатнашмоқда. У «Реал»га қарши учрашувгача тайёр бўлади. Робиннинг елкасида бироз жароҳати бор, лекин энди унинг ҳоати яхши.

«Норвич» билан ўйин жуда муҳим. «Реал» билан ўйиндан хавотирланаётганим йўқ. Эртанги учрашув эса биз ғалаба қозонишимиз керак бўлган навбатдаги ўйин бўлади»,- дейди мураббий.