"Байер"нинг ўнг қанот ҳимоячиси Жереми Фримпонгга Европа футболининг кўплаб гигантлари, жумладан, "Бавария" ҳам қизиқиш билдирмоқда.
Нидерландиялик футболчи, бутун жамоаси каби, жорий мавсумда ажойиб ўйин кўрсатмоқда ва унинг шартномасига киритилган 40-45 миллион евролик товон пули қизиқишни янада оширмоқда. Журналист Флориан Плеттенбергнинг сўзларига кўра, "Бавария" Фримпонгнинг муваффақиятини диққат билан кузатишда давом этмоқда.
Мюнхен клуби, агар жамоани учта марказий ҳимоячидан иборат таркибни афзал кўрадиган мутахассис бошқарадиган бўлса, келаси ёзда катта эҳтимол билан қанотга ўйинчи сотиб олишга ҳаракат қилади.
