"Ливерпул"нинг собиқ ҳимоячиси, ҳозирда футбол эксперти бўлиб ишлаётган Жейми Каррагер "Шеффилд Юнайтед"нинг "Арсенал"га қарши (0:6) Англия Премьер-лигасининг 27-туридаги ўйинини қаттиқ танқид қилди.
"Менимча, бу уят. Агар майдон марказидаги жамоаларнинг ўйини ҳақида гапирадиган бўлсак, унда фақат битта жамоа бор эди. Бу ҳайратланарли. "Шеффилд"нинг ўйинини мен кўрган энг ёмони деб айтган бўлардим. Бундан ёмонроқ нарса хаёлимга келмайди" - деди Каррагер Daily Mail билан суҳбатда.
Эслатиб ўтамиз, бир кун аввал, 4 март куни бўлиб ўтган ўйинда "Арсенал" биринчи бўлимда "Шеффилд" дарвозасига бешта гол урган эди. Учрашувнинг иккинчи бўлимида Микель Артета шогирдлари яна битта гол уришди.
