Мадриднинг “Атлетико” клуби ҳужумчиси Антуан Гризманн “Интер” билан Европа Чемпионлар Лигаси плей-офф босқичининг жавоб учрашувида иштирок этиши мумкин бўлади.

Mundo Deportivo хабарига кўра, франциялик футболчи жароҳатидан фориғ бўлиб, "Интер"га қарши майдонга тушади. Шу билан бирга, Гризманнинг Испания чемпионатида "Кадис" билан бўлажак ўйинда майдонга тушиши ҳам инкор этилмагани хабар қилинган.

Жорий мавсумда 32 ёшли футболчи барча турнирларни ҳисобга олган ҳолда 36 та учрашувда иштирок этиб, 18 та гол урди ва 7 та голли узатмани амалга оширди.