Чемпионлар лигаси 1/8 финалининг “Копенгаген”га қарши илк учрашувида “Манчестер Сити” 3:1 ҳисобида ғалаба қозонди.
Жавоб ўйини олдидан “шаҳарликлар” бош мураббийи Хосеп Гвардиола Дания жамоаси нега уни ҳайратда қолдиргани ҳақидаги саволга жавоб берди.
"Уларнинг ҳимоя қилиш усули анча яхши. Улар, албатта, яхши ташкил этилган услубга таянади. Улар «Манчестер Юнайтед» ва «Галатасарой»га қарши қандай ўйнаганини кўрдик.
Ҳатто “Бавария” ҳам “Копенгаген”га қарши ўйинда қийинчилик сезди.
Мен уларнинг кучли томонларини ва фазилатларини жуда яхши биламан. Улар ҳужумга ўтишда катта тезликка эга.
Лекин менга, айниқса, уларнинг ҳимояланиш услуби ва ихчамлиги ёқади", деди Гвардиола.