"ПСЖ" бош мураббийи Луис Энрике "Барселона"га қайтишни режалаштирмаяпти, деб хабар беради L'Equipe нашри.
Манбанинг хабарига кўра, 53 ёшли испаниялик мураббий Каталония клубининг айрим вакиллари қизиқиш билдираётганига қарамай, "ПСЖ"да узоқ вақт қолиш ниятида.
Аввалроқ "Барселона" спорт директори Деку Энрикени мавсум якунида жамоа бош мураббийлигидан кетадиган Хави ўрнига энг яхши номзод деб ҳисоблаётгани ҳақида хабар берилганди.
Энрике 2014 йилдан 2017 йилгача "Барселона"ни бошқарган. Унинг қўл остида жамоа икки марта Ла Лига чемпиони бўлди, уч марта Испания кубогини қўлга киритди ва бир мартадан мамлакат Суперкубоги, Чемпионлар Лигаси, УЕФА Суперкубоги ва клублар ўртасидаги жаҳон чемпионатида ғолиб чиқди.
