"ПСЖ" бош мураббийи Луис Энрике Килиан Мбаппе яқин орада жамоани тарк этишини инкор этмаяпти.
Ҳужумчи мавсум сўнгида эркин агент сифатида "Реал"га ўтиш учун парижликлар билан шартномасини узайтирмасликка қарор қилди. Бу маълумот ҳали расман тасдиқланмаган, бироқ "ПСЖ" мураббийи футболчининг муқаррар равишда кетиши фактини яширмаяпти.
"Шубҳасиз, Мбаппенинг яқин келажаги "ПСЖ" билан боғлиқ эмас, шунинг учун биз бошқа комбинацияларни синаб кўришимиз керак.
Сиз менинг фикримни биласиз: Килиан дунёдаги энг яхшиси. Унинг бугунги ўйини тўлиқ потенциал эмас. У исталган мураббий қўл остида, исталган жамоада 50 та гол уради ва 25 та голли узатма беради”, - деди Энрике “Реал Сосьедад” устидан қозонилган ғалабадан кейин (2:1).
