Кеча, 5 март куни “Лацио” Чемпионлар лигаси 1/8 финали жавоб учрашувида меҳмонда “Бавария”га имкониятни бой бериб, турнирдан чиқиб кетди. “Альянц Арена” стадионида кечган учрашув 3:0 ҳисоби билан якунланди.

Шу тариқа, Рим клуби бош мураббийи Маурицио Сарри 1/8 финал босқичида учинчи марта Чемпионлар лигасини тарк этди, у ҳеч қачон жамоаларини турнирнинг кейинги босқичига олиб чиқа олмаган.

Аввалроқ, 65 ёшли мутахассис 2019/2020 йилги мавсумда “Ювентус”да “Лион”дан, шунингдек, 2016/2017 йилги мавсумда “Наполи”да “Реал”дан мағлубиятга учраган эди.