31 май куни Австралияда "Милан" ва "Рома" ўртасидаги ўртоқлик учрашуви бўлиб ўтади.
Ушбу қитъада илк бор А Сериянинг икки клуби ўзаро тўқнаш келади. Учрашувга мезбонлик қиладиган "Оптус" стадиони 65 минг томошабинга мўлжалланган.
"Биз "Милан" билан бирга Австралияда ажойиб Италия футболини намойиш этиш учун танланганимиздан фахрланамиз.
Биз Океанияда катта мухлисларимиз борлигини биламиз ва австралиялик мухлисларга чемпионларимизни яқиндан кўриш имкониятини беришни интиқлик билан кутамиз.
Ушбу ўртоқлик учрашуви клубимиз Европа ва жаҳон футбол майдонида доимий равишда эгаллаб турган муҳим ўринни тасдиқлайди", - деди “Рома” бош директори Лина Сулуку.
