Мадриднинг “Реал” клуби бош мураббийи Карло Анчелотти Чемпионлар лигаси 1/8 финалида “РБ Лейпциг”га қарши ўйин (1:1) натижалари ҳақида фикр билдирди.
Дастлабки ўйинда "Реал" Браим Диаснинг голи эвазига 1:0 ҳисобида минимал ғалабага эришганди.
"Умуман олганда, тўпни олдинга олиб ўтиш борасида биздан унчалик яхши ўйин бўлмади. Улар тезда қарши ҳужумларни бошладилар. Бизнинг энг яхши ўйинимиз эмас, лекин биз хурсанд бўлишимиз керак.
Мавсум узоқ, биз кўп ўйин ўтказдик ва ҳозир яхши позициялардамиз. Биз ўзимиз билан фахрланишимиз керак", - дея Анчелотти сўзларини келтиради Marca.
