Туриннинг "Ювентус" клуби Лиссабоннинг "Спортинг" клуби марказий ҳимоячиси Усмон Диомандега эътибор қаратмоқда. Tuttosport хабарига кўра, "кекса синьора" ёзда ивуарлик футболчининг трансферини амалга ошириши мумкин.
20 ёшли ҳимоячига айни дамда Европанинг кўплаб топ-клублари қизиқиш билдирмоқда. Футболчига "Реал", "Челси" ва "Арсенал" каби жамоалар қизиқиш билдиришган.
Ёзги трансфер ойнасида "Спортинг" истиқболли Диомандени қўйиб юбориши мумкин. Жорий мавсумда Усмон Португалия чемпионатида 17 та ўйинда майдонга тушиб, 1 та гол ва ассистентлик қилган.
