Мадриднинг “Реал” клуби бош мураббийи Карло Анчелотти Чемпионлар лигаси 1/8 финалида “РБ Лейпциг” билан жавоб ўйинининг биринчи бўлимидан сўнг нима учун ярим ҳимоячи Эдуардо Камавингани алмаштирганига изоҳ берди.
"Камавинга ўзгариши тактик эди. Агар мен ёмон бўлган барчани ўйиндан четлатишни истасам, ҳатто мураббийни ҳам ўзгартирган бўлардим", - деди Анчелотти ўйиндан кейинги матбуот анжуманида.
“Реал” кеча “РБ Лейпциг” билан 1:1 ҳисобида дуранг ўйнаган эди. Анчелотти жамоаси биринчи ўйинда меҳмонда 1:0 ҳисобида зафар қучганлиги эвазига чорак финал йўлланмасини қўлга киритди.
