"Манчестер Сити" бош мураббийи Пеп Гвардиола ЕЧЛ 1/8 финали доирасидаги "Реал" ва "Лейпциг" ўртасидаги қарама-қаршилик ҳақида гапирди. Эслатиб ўтамиз, “қаймоқранглилар” Германия жамоасини умумий ҳисобда 2:1 ҳисобида мағлуб этди.
"Копенгаген" билан умумий ҳисоб 6:2 биз учун осон бўлганга ўхшайди. Ундай эмасди. “Реал” “Лейпциг”ни ортда қолдиришга, қийналди. Биз ўтмишда бу жамоа билан ўйнаганмиз ва ҳамма "Оҳ, бу осон бўлади" дегандек эди. Йўқ. Бу мураккаб.
Премьер-лигада ғалаба қозониш учун курашиш қийин. Англия кубогида ҳам қийин. "Лутон"га ташриф буюриш ва ўз майдонида ғалаба қозониш қийин. Аммо ҳозир бу одатий ҳол сифатида қабул қилинади. Тўғри, бизда юқори стандартлар бор, лекин ўйинчиларим ва мен ҳамма нарса қийин эканини биламиз. Мен буни клуб, раҳбарият, ходимлар ва футболчилардан ҳис қилишни хоҳлайман", - дея Гвардиола сўзларини келтиради журналист Сем Ли.
