Эрон чемпионатнинг 19-турида "Персеполис" "Озоди" стадионида "Фулад"ни қабул қилиб, 4:2 ҳисобида ғалаба қозонди.
Қувонарлиси, теҳронликлар сафида ҳаракат қилаётган ҳамюртимиз Остон Ўрунов ўзининг янги жамоасидаги илк голи орқали ғалабага ўз ҳиссасини қўшди. Вакилимиздан ташқари Исса Алкасир, Ҳуссайн Канаани ва Меҳди Тораби ҳам ўз ҳисобига гол ёздириб қўйди.
Меҳмонлар Мусса Кулибали ва Абдулкарим Ҳассаннинг автоголи эвазига икки бор жавоб қайтарди.
Бу ғалаба орқали "Персеполис" ҳисобидаги очколарини 39 тага етказиб олиб, турнир жадвалида иккинчи ўринга жойлашди.
