Португалиялик мутахассис Хорхе Жезус бошчилигидаги “Ал-Ҳилол” Саудия Арабистони чемпионатининг 23-тури доирасида “Ар-Риёд”ни қабул қилиб, ғалаба қозонди.
Учрашув 3:1 ҳисобида якунланди. Ғолиблар сафида Рубен Невеш, Майкл Ричард ва Александр Митрович биттадан гол уришди.
Али Ал-Булайҳий автогол муаллифига айланди. Ушбу ғалаба билан “Ал-Ҳилол” кетма-кет энг кўп ғалаба қозонган ўйинлар сони бўйича барча клублар орасидаги рекордни янгилади.
Бу ғалаба Жезус жамоаси учун кетма-кет 27-ғалаба бўлди. Уэльснинг “Нью-Сейнтс” клуби 2016/2017 йилги мавсумда ҳам худди шундай рақамга эга эди.
Ушбу рекорд Гиннеснинг рекордлар китобига киритилган.
