"Ливерпуль" бош мураббийи Юрген Клопп жамоа ҳимоячиси Трент Александр-Арнолднинг сўзларига изоҳ берди.
Аввалроқ футболчи "Ливерпуль" қўлга киритган совринларни "Манчестер Сити"нинг совринларидан қиймати баландроқ деб билишини, чунки клубларнинг молиявий имкониятлари турлича эканлигини айтганди.
"Манчестер Сити" ҳужумчиси Эрлинг Холанд ҳимоячининг сўзларига жавобан ўзини ажойиб ҳис қилаётганини, ўтган мавсумда жамоа билан учта соврин ютганини айтди.
"Унинг сўзларида ёмон нарса йўқ. Менда ҳеч қандай муаммо йўқ, у ўзи ҳис қилган гапларни айтди. Ишончим комилки, ҳеч қандай ҳурматсизлик бўлмаган", - деди журналист Фабрицио Романо ўзининг ижтимоий тармоқларида Клоппнинг сўзларини келтирган ҳолда.
