"ПСЖ" бош мураббийи Луис Энрике ҳимоячи Лукас Беральдонинг ўйинларидан мамнун.
20 ёшли футболчи январь ойида парижликлар сафига "Сан-Паулу"дан келиб қўшилганди. Янги келган футболчи дарҳол янги шароитларда ўзини кўрсатишга муваффақ бўлди - у мунтазам равишда Лига 1 гигантининг асосий таркибида майдонга тушмоқда.
Le Parisen қайд этганидек, Луис Энрике Беральдога тўлиқ ишонади ва унинг ўйинидан ҳайратда. Испаниялик мутахассис бразилияликнинг серқирралигини юқори баҳолайди. Мураббий билан яхши муносабатлар ёш футболчининг Европага кўчиб ўтганидан кейин тезда мослашишига ёрдам берди.
Лукас Беральдонинг "ПСЖ"га трансфери 20 миллион еврога баҳоланмоқда.
