Италияда А Сериянинг йигирма саккизинчи тур учрашувлари бошланди. "Наполи" "Торино" билан учрашди ва ўйин дуранг билан якунланди.
Италиянинг амалдаги чемпиони учун ягона гол Хвича Кварацхелия томонидан киритилди. "Наполи" бош мураббийи Франческо Кальцона грузиялик футболчи ҳақида гапириб берди. -
"Кварацхелия алоҳида ўйинчи. Мен унга кўпроқ эркинлик бердим ва у ўзини янада ишончли ҳис қилди. Мен бошқа футболчилардан ҳам мамнунман, Марио Руи ажойиб ўйин ўтказди ва майдонда энг яхшилардан бири бўлди”, — дея Кальцонанинг сўзларини келтиради Calcionapoli1926.it.
Навбатдаги турда “Наполи” жорий чемпионат пешқадами “Интер”га қарши майдонга тушади.
