Кеча старт олган Жанубий Корея Кей-лигасининг қолган баҳслари бугун давом эттирилди. Бугун “Сеонгнам Илва Чунма” ўз уйида “Сувон”ни қабул қилди ва 1:2 ҳисобида мағлубиятга учради.

Учрашувнинг 9-дақиқасида Со Жонг Жин ҳисобни сувонликлар фойдасига очган бўлса, 22-дақиқада Хванг Ижо мувозанатни тиклади. Аммо 72-дақиқада Чо Донг Гон “Сувон”нинг ғалаба тўпини киритишга муваффақ бўлди.

Ушбу ўйинда “Сеонгнам Илва Чунма”нинг янги аъзоси, ҳамюртимиз Сервер Жепаров ўйин қайдномасига ҳам киритилмаганлиги ажабланарли. Бу ҳақда бош мураббий Ан Ик Су матбуот анжуманида сўзламаган. Гарчи мағлубият аламини тортган бўлса-да, сеонгнамликларнинг ўйин сифати анча яхшиланганлигини сезиш мумкин. 

Сеонгнамликлар 2-турни 9 март куни сафарда “Жежу Юнайтед”га қарши ўтказишса, ОЧЛнинг биринчи турида Австралиядан дуранг билан қайтган “Сувон” шу куни ўз уйида “Кангвон”га қарши саф тортади. 

Отабек Йўлдошев, Жанубий Корея, Сеул.