"Интер" бош мураббийи Симоне Индзаги "Атлетико"га қарши Чемпионлар лигаси 1/8 финали жавоб ўйини ҳақидаги тахминлари билан ўртоқлашди.
Биринчи ўйин 1:0 ҳисобида миланликларнинг ғалабаси билан якунланган эди.
"Атлетико" меҳмондагига нисбатан ўз уйида жуда кўп ўзгариб турадиган жамоа. Уларда қандай футболчилар борлигини, Симеоне қандай мураббий эканлигини биламиз, шунинг учун имкон қадар яхши тайёргарлик кўришга ҳаракат қиламиз.
"Атлетико" стадионидаги вазият ўз таъсирини ўтказади, аммо олдимизга қўйган мақсадимиз - Чемпионлар лигасида ўйнашни давом эттириш.
Биламизки, улар яна бир нечта тактик вариантлардан фойдаланишлари мумкин эди ва улар бугун бир нечта ўйинчиларга дам беришди.
Ўтган мавсумда биз "Порту" билан ўйнадик, шунинг учун аллақачон шовқинли муҳитни бошдан кечирдик", - дея Индзагининг сўзларини келтиради Football Italia.
