Италиялик собиқ мураббий Фабио Капелло Даниэле де Россининг "Рома" клуби мураббийи сифатидаги фаолияти ҳақида гапирди.
"Де Росси "Рома"да ўз имкониятидан фойдаланди. Жамоанинг ўйинлари ва натижаларига таъсирини ҳисобга олиб, клуб у билан зудлик билан янги шартнома имзолаши керак. Даниэле янги келишувга лойиқ", - деди Капелло AS билан суҳбатда.
Де Росси январь ойида португалиялик мураббий Жозе Моуриньонинг ўрнига "Рома" бош мураббийи лавозимини эгаллади. Италиялик мураббий бошчилигида римликлар ўнта учрашув ўтказиб, саккизта ғалабага эришган. Айни дамда “бўрилар” А серия турнир жадвалида бешинчи ўринни эгаллаб турибди.
