"Арсенал" бош мураббийи Микель Артета ҳужумкор ярим ҳимоячи Кай Хаверцнинг клубдаги фаолиятини қандай ўзгартирганига қойил қолди.
Жорий мавсум бошида “Арсенал” мухлисларида ишончсиз ўйин кўрсатган Хаверцни "Челси"дан олиб келиш учун 65 миллион фунт сарфлаган Артета ҳақида кўплаб саволлар пайдо бўлди.
Бироқ, Ҳаверц аста-секин ажойиб формага қайтди ва ўзининг сўнгги тўртта ўйинида тўртта гол урди, шу жумладан, олдинги кун "Брентфорд"га қарши 86-дақиқада ғалаба гол киритди.
"Мен жуда хурсандман. Агар кимдир менга шундай қийин дастлабки икки-уч ойдан кейин бутун стадион унинг номини иштиёқ билан, ҳис-туйғу билан куйлашини айтса, ишонишим қийин бўларди.
Яхши одамлар билан шундай бўлади. У ажойиб ўйинчи. У шундай голлар ура бошлаганида одамлар билан муносабатлари мустаҳкамланади.
Улар унинг иш аҳлоқини, ақл-идрокини, жамоада қандай ўйнашини, ҳиссасини кўришади. Уни севмасликнинг иложи йўқ", - деди Артета Evening Standard билан суҳбатда.
